శ్రీ శనైశ్చర స్తోత్రం (దశరథ కృతం)

శ్రీ శనైశ్చర స్తోత్రం

ధ్యాత్వా సరస్వతీం దేవీం గణనాథం వినాయకమ్ | రాజా దశరథః స్తోత్రం సౌరేరిదమథాకరోత్ || 1 ||

దశరథ ఉవాచ:

నమః కృష్ణాయ నీలాయ శితికంఠనిభాయ చ | నమో నీలమయూఖాయ నీలోత్పలనిభాయ చ || 2 ||

నమో నిర్మాంసదేహాయ దీర్ఘశ్మశ్రుజటాయ చ | నమో విశాలనేత్రాయ శుష్కోదర భయానక || 3 ||

నమః పరుషగాత్రాయ స్థూలరోమాయ వై నమః | నమో నిత్యం క్షుధార్తాయ నిత్యతప్తాయ వై నమః || 4 ||

నమః కాలాగ్నిరూపాయ కృతాంతక నమోఽస్తు తే | నమస్తే కోటరాక్షాయ దుర్నిరీక్ష్యాయ వై నమః || 5 ||

నమో ఘోరాయ రౌద్రాయ భీషణాయ కరాళినే | నమో దీర్ఘాయ శుష్కాయ కాలదంష్ట్ర నమోఽస్తు తే || 6 ||

నమస్తే సర్వభక్షాయ వలీముఖ నమోఽస్తు తే | సూర్యపుత్ర నమస్తేఽస్తు భాస్కరే భయదాయక || 7 ||

అధోదృష్టే నమస్తుభ్యం వపుఃశ్యామ నమోఽస్తు తే | నమో మందగతే తుభ్యం నిస్త్రింశాయ నమో నమః || 8 ||

తపసా దగ్ధదేహాయ నిత్యయోగరతాయ చ | నమస్తే జ్ఞాననేత్రాయ కాశ్యపాత్మజసూనవే || 9 ||

తుష్టో దదాసి వై రాజ్యం రుష్టో హరసి తత్‍ క్షణాత్ | దేవాసురమనుష్యాశ్చ పశుపక్షిసరీసృపాః || 10 ||

త్వయా విలోకితాః సౌరే దైన్యమాశు వ్రజంతి చ | బ్రహ్మా శక్రో యమశ్చైవ ఋషయః సప్తతారకాః || 11 ||

రాజ్యభ్రష్టాశ్చ తే సర్వే తవ దృష్ట్యా విలోకితాః | దేశా నగరగ్రామాశ్చ ద్వీపాశ్చైవాద్రయస్తథా || 12 ||

రౌద్రదృష్ట్యా తు యే దృష్టాః క్షయం గచ్ఛంతి తత్ క్షణాత్ | ప్రసాదం కురు మే సౌరే వరార్థేఽహం తవాశ్రితః || 13 ||

సౌరే క్షమస్వాపరాధం సర్వభూతహితాయ చ | ఇతి దశరథ కృత శ్రీ శనైశ్చర స్తోత్రమ్ ||