జగన్నాథాష్టకం

జగన్నాథాష్టకం (Jagannathashtakam)

కదాచిత్-కాలిందీ తటవిపిన సంగీతకరవో
ముదాభీరీ నారీవదన కమలాస్వాదమధుపః ।
రమా శంభు బ్రహ్మామరపతి గణేశార్చిత పదో
జగన్నాథః స్వామీ నయనపథగామీ భవతు మే ॥ 1 ॥

భుజే సవ్యే వేణుం శిరసి శిఖిపింఛం కటితటే
దుకూలం నేత్రాంతే సహచరకటాక్షం విదధతే ।
సదా శ్రీమద్వృందావనవసతిలీలాపరిచయో
జగన్నాథః స్వామీ నయనపథగామీ భవతు మే ॥ 2 ॥

మహాంభోధేస్తీరే కనకరుచిరే నీలశిఖరే
వసన్ ప్రాసాదాంతస్సహజ బలభద్రేణ బలినా ।
సుభద్రా మధ్యస్థస్సకలసుర సేవావసరదో
జగన్నాథః స్వామీ నయనపథగామీ భవతు మే ॥ 3 ॥

కృపా పారావారాస్సజల జలద శ్రేణిరుచిరో
రమావాణీ రామస్ఫురదమల పంకెరుహముఖః ।
సురేంద్రైరారాధ్యః శ్రుతిగణశిఖా గీత చరితో
జగన్నాథః స్వామీ నయనపథగామీ భవతు మే ॥ 4 ॥

రథారూఢో గచ్ఛన్ పథి మిలిత భూదేవపటలైః
స్తుతి ప్రాదుర్భావం ప్రతిపదముపాకర్ణ్య సదయః ।
దయాసింధుర్బంధుస్సకల జగతా సింధుసుతయా
జగన్నాథః స్వామీ నయనపథగామీ భవతు మే ॥ 5 ॥

పరబ్రహ్మాపీడః కువలయ-దలోత్ఫుల్లనయనో
నివాసీ నీలాద్రౌ నిహిత-చరణోఽనంత-శిరసి ।
రసానందో రాధా-సరస-వపురాలింగన-సఖో
జగన్నాథః స్వామీ నయనపథగామీ భవతు మే ॥ 6 ॥

న వై యాచే రాజ్యం న చ కనక మాణిక్య విభవం
న యాచేఽహం రమ్యాం నిఖిలజన-కామ్యాం వరవధూమ్ ।
సదా కాలే కాలే ప్రమథ-పతినా గీతచరితో
జగన్నాథః స్వామీ నయనపథగామీ భవతు మే ॥ 7 ॥

హర త్వం సంసారం ద్రుతతరమసారం సురపతే
హర త్వం పాపానాం వితతిమపరాం యాదవపతే ।
అహో దీనోఽనాథే నిహితచరణో నిశ్చితమిదం
జగన్నాథః స్వామీ నయనపథగామీ భవతు మే ॥ 8 ॥

జగన్నాథాష్టకం పుణ్యం యః పఠేత్ ప్రయతః శుచిః ।
సర్వపాప విశుద్ధాత్మా విష్ణులోకం స గచ్ఛతి ॥

ఇతి శ్రీమద్ శంకరాచార్యవిరచితం జగన్నాథాష్టకం సంపూర్ణం॥

విశిష్టత మరియు తాత్పర్యం (Significance & Meaning)

జగద్గురువులైన ఆదిశంకరాచార్యుల వారు పూరీ క్షేత్ర సందర్శన సమయంలో పాడిన అద్భుతమైన సంస్కృత స్తోత్రం ఇది.

“స్వామీ, జగన్నాథా! నువ్వు ఎల్లప్పుడూ నా కళ్లముందే ఉండాలి (నయనపథగామీ భవతు మే)” అని ఎంతో స్వచ్ఛమైన భక్తితో ఆయన వేడుకున్న తీరు ఇందులో మనకి దర్శనమిస్తుంది. మహా సముద్ర తీరంలో సుభద్ర మరియు బలరాముల సమేతంగా వెలసిన ఓ జగన్నాథా! ఎడమచేతిలో వేణువును, తలపై నెమలి పింఛాన్ని ధరించిన శ్రీకృష్ణా! నాకు ఎలాంటి రాజ్యం, సిరిసంపదలు వద్దు, అందమైన భార్య వద్దు… కేవలం నీ దివ్య దర్శనం, అనుగ్రహం ఉంటే చాలు అని ఈ అష్టకం వర్ణిస్తుంది.